Oorsig | |
---|---|
Vervaardiger | Auto 5000 (2007–2008) Volkswagen (2009–huidig) |
Produksie | 2007–huidig |
Montering | Wolfsburg, Duitsland Kaloega, Rusland Shanghai, China Hai Phong, Viëtnam |
Bakwerk en onderstel | |
Klas | Kompakte oorkruis SNV |
Bakstyl | 4-deur sportnuts |
Uitleg | Voorenjin, voorwielaandrywing/vierwielaandrywing |
Platform | Volkswagengroep A5 (PQ35) |
Spesifikasies | |
Enjin(s) | Petrolenjins: 1.4 L TSI 90 kW I4 2.0 L TDI 103 kW I4 2.0 L TDI 125 kW I4 |
Ratkas | 6-gang handrat 6-gang outomaties 7-gang dubbelkoppelaarratkas (DSG) |
Lengte | 2009-2011: 4427 mm 2012-tans: 4432 mm |
Breedte | 1809 mm |
Hoogte | 1686 mm |
Asafstand | 2604 mm |
Plek in geskiedenis | |
Variante | Volkswagen Golf Audi Q3 Audi A3 |
Die Volkswagen Tiguan is 'n kompakte oorkruis SNV vervaardig deur die Duitse motorvervaardiger Volkswagen met behulp van die PQ35 platform van die Volkswagen Golf. Alle Tiguans beskik oor twee rye sitplekke en viersilinderenjins. Die Tiguan is as 'n konsepvoertuig bekendgestel by die November 2006 Los Angeles Internasionale Motorskou,[1] en in produksievorm by die 2007 Frankfurtse Motorskou.
Vervaardiging het in die winter van 2007 'n aanvang geneem by Volkswagen se 2001-2009 filiaal Auto 5000 ('n eksperimentele maatskappy-binne-'n-maatskappy) in Wolfsburg en later onder die maatskappy se standaardkontrakreëlings, by Wolfsburg en in Kaluga, Rusland. [2][3] Vanaf September 2007 tot in 2011 is daar meer as 700,000 Tiguans wêreldwyd verkoop met die beste syfers in Europa, Rusland, die VSA, China, Brasilië en Australië.[4] Euro NCAP het 'n vyfstergradering vir veiligheid aan die Tiguan toegeken.
Die naam Tiguan (uitgespreek as TEE-gwan) is 'n koffer van die Duitse woorde "tier" en "iguana"[5] en het 'n benamingswedstryd deur die Duitse motortydskrif Autobild gewen - uit 'n groot aantal name wat ook Namib, Rockton, Liger, Samun en Nanuk ingesluit het.[6]